• د. رؤى الطويلي

ولادة ايجابية بدون قص العجان

تاريخ التحديث: 30 يناير 2019

تروي لنا الأم قصتها للولادة الايجابية.....



انا خلصت الشهر التاسع وما في طلق والرحم مقفل وبهدلني الكاذب وكل شوي على بالي ولادة واخر يوم في التاسع كان الاثنين موعدي مع الدكتورة وشافت لا رحم مفتوح ولا في طلق قالت اعطيك موعد الخميس للطلق الصناعي وانا وقتها شلت هم خرجت من عندها رحت مشيت ساعه ونص واكلت تمر وقبل ماانام دهنت جسمي بزيت زيتون دافئ مع جوزة الطيب المبشور وجبت بخور بخرت تحت بقشر البصل ونمت والصباح حسيت بالالام خفيفه قلت اكيد طلق كاذب وطنشت لحد الظهر بدأ معايا وما استعجلت اخدت شور دافئ وطلعت امشي نص ساعه في السوق وزاد الألم ورجعت البيت قلت احمي الطلق سويت زيت زيتون مع جوزة الطيب.


كمان ع العصر ماقدرت اتحمل الالم رحنا المستشفى الساعه ٥ رحمي مفتوح ٣ وحطوني تحت الاجهزة المناوبين طبعا واعترضت واتخاصمت معاهم وطلبت دكتورتي جات واعطتهم الاذن انهم يفكوني ومشيت والحمدالله بعد ساعتين الرحم فتح ٧ سم. وهنا لازم تحت الاجهزة ومع الالم ماقدرت صراحه اتحرك حطولي كمادات دافيه مررررره ارتحت على ظهري ومن تحت وبعد ساعه فتح الرحم ١٠ سانتي والدكتورة بتصبر كمان بس بدا النونو يدف نفسو مع كل طلق ولحد مانزلت المويه وبدات عمليه الولادة وضعيتي مااعرف اذا كويسه ولا بس ظهري مستقيم هادا افتكروا وطولت في خروج النونو اخدت ٤٠ دقيقه بس الطلق يروح والحمدالله الدكتوره ثمينة صبرت وساعدت مررررره كتييير والطاقم اللي معاها وكانت تدلك منطقه العجان وهو مفتوح من ١٠ وحطت الجل مرره كتير على المنطقه وانبسطت اني كنت اتدلك من الاسبوع ٣٥ وعضلاتي ممتازه مع تمارين بجد فادني هالشئ والحمدالله وكان راس النونو محشور تحت بس صبرت ولا قصت ولا استعجلت ولا خافت دفعتين وخرجت النونو واتاخرت في قص الحبل السري ٤ دقائق تقريبا خلت زوجي يقصها وكمان حطتها النونو على صدري على طول وبعدو رضعتها وطبعا كنت بكامل وعي مااخدت مسكنات ومهلوسات بس استخدمت التنفس وقت الدفع ريحني اللي هو اكسجين وقالت ماحطيت مسكنات معاهم وطبعا صار معايا شق النونو من الدرجه الثانيه وسويت خياطه مع بنج موضعي وكنت حاسه بكل شئ الحمدالله والامور مشيت على طبيعتها.


ومدحت الدكتورة اني فاهمه كل شئ وعارفه ايش بتحط وايش بتستخدم وكل شئ بموافقتي والبركة في الدورة والحسابات اللي قرات منهم واتعلمت وصدقا الدكتورة تعرف اللي فاهمه ولا جايا بس كدا ماتبغي قص عجان والحمد الله بنوتتي جات بالسلامه وعقبال كل وحدة هنا تتسهل وتتيسر ولادتها ياااارب طبيعي ومن غير قص عجان. صحيح نسيت شئ مرررره يسألوني في الطوارئ تبغي ابرة ظهر ومرره يشجعوك وكان ردي صارم ولا عاد تسألوا وخفت اضعف في الفترة الاخير بالذات الطلقات الاخيرة بس كنت مزكنه على زوجي ما يسمح لي ويشجعني وما يضعف بتاتا قدام ألمي…